Gipahigayon ang 7th Regional Joint Security Control Center (RJSCC) meeting niadtong Mayo 5, 2025, sa Camp Sergio Osmeña Sr., Cebu City, aron hisgutan ang mga lakang sa pagpangandam alang sa National ug Local Elections karong Mayo 12, 2025, apil na ang BARMM Parliamentary Election.
Nagkahiusa ang mga lider sa COMELEC, PNP, AFP, ug uban pang ahensya sa balaod aron masiguro nga luwas, limpyo, ug patas ang umaabot nga eleksyon.
Apil sa mga mitambong mao si Atty. Ferdinand Gujilde, Regional Election Director; BGEN Joey Escanillas sa 302nd Brigade; ug si PBGEN Redrico Maranan, Regional Director sa PRO-7.
Gipasiugda sa maong tigum ang panaghiusa sa tanang ahensya sa pagpatuman sa kahapsay, pagpaambit sa impormasyon, ug pagpanalipod sa kasaligan nga eleksyon.
Gisaad usab nga ipadayon ang kooperasyon aron magpabiling malinawon ug han-ay ang rehiyon sa tibuok eleksyon.
Source: PRO7- PIO
I via Renante Socia Lada