Misupak ang mga residente ug opisyal sa Barangay Polog, Consolacion, Cebu sa planong pagbalik sa paglabay og basura sa kanhi nga labayanan sa ASEAN Energy. Kini misunod human sa trahedya sa Binaliw landfill sa Cebu City nga nakapatay og unom ka tawo ug daghan pa ang wala pa makit-i.
Tungod sa kahadlok nga mausab ang sama nga disgrasya, wala tugoti sa barangay ug mga residente ang pipila ka garbage truck nga maglabay sa ilang basura sa lugar.
Sa pagkakaron, unom na ka adlaw nga naputol ang regular nga koleksyon sa basura, hinungdan nga nagkatigum ang daghang basura sa lain-laing lugar.
Nabalaka ang mga molupyo nga kung dili dayon masulbad ang isyu, mahimong mosamot ang problema sa panglawas ug kahinlo sa komunidad.
Padayon ang panawagan sa mga residente nga unaon ang ilang kaluwasan ug klarohon sa mga otoridad ang lig-on ug luwas nga solusyon sa problema sa basura.
I via Renante Socia Lada