Nagkahiusa ang mga lokal nga lider ug opisyal sa gobyerno sa Cebu atol sa Thanksgiving Lunch nga gipahigayon niadtong Martes, Agosto 11, nga gi-host sa League of Municipalities of the Philippines (LMP) Cebu Chapter.
Gipasidunggan sa maong panagtapok sila ni Cabinet Secretary Benhur Abalos ug Office of the Presidential Assistant for the Visayas Secretary Philip Lo. Tumong niini ang pagpalig-on sa koordinasyon ug kooperasyon tali sa national ug local government alang sa kalamboan sa Cebu.
Gipasidunggan usab si Atty. Bret Monsanto, usa ka taga-Tuburan, human siya ma-appoint isip Undersecretary sa Cabinet Secretary.
Nagpasalamat si Secretary Abalos sa mainitong pagdawat sa mga lider sa Cebu ug mipasalig nga suportahan ang mga programa ug proyekto nga makatabang sa kalamboan sa Cebu ug sa tibuok nasod.
Mitambong usab si Cebu City Mayor Nestor D. Archival Sr., kauban sila ni Governor Pamela Baricuatro, Vice Governor Glenn Soco, mga miyembro sa Provincial Board, mga mayor sa tri-cities, component cities ug mga lungsod, ug pipila ka miyembro sa Kongreso.
Gihatagan og gibug-aton sa panagtapok ang importansya sa padayong panagtinabangay aron masulbad ang panginahanglan sa katawhan, mapalambo ang serbisyo publiko, ug mapadayon ang kalamboan sa Cebu.
📸 Cebu City PIO
I via Renante Socia Lada