Nagpadayon ang Cebu City Government sa matag gabii nga sidewalk clearing, Pukaw ug street roving operation aron mapadayon ang kahapsay sa mga pampublikong lugar ug matabangan ang mga nanginahanglan.
Gikan alas 10:00 sa gabii niadtong Agosto 11 hangtod alas 6:00 sa buntag niadtong Agosto 12, 85 ka indibidwal ang natabangan, lakip ang 18 ka senior citizens, 51 ka adults ug 16 ka menor de edad.
Ang mga naluwas gitabangan nga makapauli sa ilang mga panimalay, samtang ang usa ka adult giturn-over sa Lorega alang sa tukmang intervention.
Gipahigayon ang operasyon sa DSWS uban sa Cebu City Security Unit, PNP, Police Office Precinct ug Cebu City Anti-Mendicancy Office.
📸 Cebu City PIO
I via Renante Socia Lada