Usa ang patay ug tulo ang na-aresto sa nahitabong shootout sa Talayan, Maguindanao del Sur, Huebes sa hapon, Abril 25, 2024.
Sa impormasyon, miresulta sa armed confrontation ang gihimong buy-bust operation sa mga sakop sa CIDG-Regional Field Unit ug BARMM duol sa usa ka gasoline station sa Barangay Poblacion.
Target sa operasyon ang namatay’ng suspek nga si Zaldy Kunakon Usman, 52-anyos residente sa Barangay Tambunan.
Samtang ang mga naaresto nailhamg silas Basir Baliwan, 37-anyos, Ismael Cabagani, 49-anyos ug Ari Butuan, 43-anyos nga mga taga Talitay.
Upat ka mga dagkong kalibre nga pusil ang na-rekober ngadto sa mga suspek. Usa ka 5.56MM K3 machine gun, duha ka mga M16A1 ug isa ka kalibre .45 M1911 A1 US ARMY. Nakuhaan sab sa daghang mga bala ang mga suspek.
Anaa na sa kustodiya sa CIDG-RFU BAR sa Cotabato City ang mga suspek nga mag-atubang sa kasong Section 32 ug 28 RA 10591 Unlawful Sale of Firearms and Ammunition and Possession of Unlicensed Firearms.
(Source: Buknoy News Channel)