Ang Cebu City Government nagpahimangno sa tanang empleyado sa syudad nga nagpuyo sa Cebu City nga iparehistro ang mga iro ug iring.
Ang maong sugo kabahin sa padayong kampanya sa syudad aron mahatagan og maayong pag-atiman ug pagka responsableng pagpanag-iya sa mga hayop, ug malikayan ang pagsamot sa populasyon sa mga stray animals.
Ang Department of Veterinary Medicine and Fisheries (DVMF) maoy nagdumala sa maong rehistrasyon. Ang bayad sa matag hayop nga irehistro tag ₱200, ug kini apil na ang libreng serbisyo sama sa anti-rabies vaccination, deworming, ug spay o neuter surgery.
Gipasiugda sa memo nga ang maong lakang makatabang aron masiguro nga ang mga tag-iya sa hayop mosunod sa mga lokal nga balaod kalabot sa animal welfare. Dugang pa, kini naghatag proteksyon sa kahimsog ug kaluwasan sa komunidad pinaagi sa pagpugong sa mga balatian nga gikan sa mga hayop.
Ang DVMF andam usab nga motubag sa mga pangutana kabahin sa proseso sa rehistrasyon. Ang mga interesado mahimong motawag sa numero nga (032) 401-0418 o 0917-829-7135 para sa dugang kasayuran.
Gilauman sa Cebu City Government ang bug-os nga kooperasyon sa mga empleyado ug mga tag-iya sa hayop. Ang ilang suporta dako kaayong tabang sa pagpanalipod sa kahimsog sa katawhan ug sa mga binuhing hayop sa syudad.
Source: DVMF
I via Renante Socia Lada