Gipahigayon karon sa Mandaue City Cultural and Sports Complex ang ikatulong National Agriculture and Fisheries Technology Exhibition (NAFTE) nga gitambongan sa kapin 32 ka exhibitors gikan sa lain-laing lugar.
Ang maong exhibit gitambongan sa mga napiling grupo sa mag-uuma ug mangingisda (FCAs) nga nagpakita sa ilang produkto sa agrikultura ug pangisda. Apil usab ang mga representante gikan sa 16 ka regional AFRREDNs, mga ahensya sa Department of Agriculture, international nga kauban, pribadong sektor, ug duha ka grupo sa kababayen-an, ang Bohol Purple Women ug ang Bohol Ubi Growers Association.
Si Mayor Glenn Bercede uban sa mga konsehal nga sila Jimmy Lumapas ug Oscar Del Castillo ang miabi-abi sa mga exhibitors ug bisita sa maong kalihokan.
Ang exhibit magpadayon hangtod Hunyo 21, 2025, ug gilauman nga daghang makakat-on ug ma-inspire sa mga teknolohiya sa agrikultura ug pangisda nga gipakita.
Source: Mandaue City PIO
I via Renante Socia Lada