Usa ka menor de edad nga estudyante ang nagreklamo sa kapulisan human siyang giingong gipahimuslan sa duha ka lalaki samtang hubog sa Brgy. Naalad, Naga City, alas 3:00 sa kadlawon niadtong Marso 9, 2025.
Ang biktima, nga gitawag og alias Junior, usa ka estudyante sa usa ka unibersidad sa Cebu City. Uban sa iyang uyoan, siya midangop sa kapulisan alas 5:00 sa nakalabay na buntag aron ipasaka ang reklamo batok sa duha ka giingong responsable sa maong insidente.
Ang mga suspetsado nga nailhan isip alias Kyla, 25, nga taga Brgy. San Roque, Talisay City, ug alias Nika, 20, usa ka estudyante nga taga Brgy. Cogon Ramos, Cebu City, nadakpan sa kapulisan ug kasong pagpanglugos ilawom sa RA 8353 (Anti-Rape Law) ug RA 7610 (Protection of Minors Act) ang ilang atubangon.
Sumala sa imbestigasyon, nag-inom ang biktima uban sa mga suspetsado ug uban pang mga higala sugod alas 8:00 sa gabii niadtong Sabado. Sa dihang nakaabot na sa kadlawon, tungod sa kahubog, ang biktima wala nakapangdepensa sa iyang kaugalingon, hinungdan nga siya giingong gipahimuslan sa duha.
Ang kapulisan padayon sa ilang imbestigasyon samtang ang biktima gihatagan og suporta ug tabang sa mga awtoridad.
📸 Naga City Police Station
I via Renante Socia Lada