Cebu City- Miabot na ug 1,609,122 ka mga pasahero ang na accommodate sa Mactan-Cebu International Airport Authority (MCIAA), gikan sa domestic ug international flights sa unang lima ka buwan sa tuig 2022.
Milabaw pa kini sa performance sa MCIA sa tuig 2021 nga miabot lang ug kinatibuk-ang 1.3M ka mga pasahero ang ilang natala.
Ang passenger arrival sa maong period 329 porsento itandi sa 374,841 sa samang period sa miaging tuig, atol sa pagpatuman sa COVID-related restrictions nonot sa hulga sa virus.
Naglabaw ang mga domestic passengers sa mga ni-agi sa MCIA.
Sa 1.6 million ka mga pasahero nga mi-agi sa maong airport gikan sa Enero hangtud sa Mayo 2022, mokabat ug 1.4 million naga gikan ug padung sa local nga destinasyon.
Gikan sa Enero hangtud sa Mayo 2021, nakatala lang ang airport officials ug kinatibuk-ang 330,476 ang domestic passengers.
Karong tuiga, nakatala ang MCIA ug mas daghang international passengers; gikan sa 44,365 arrivals sa overseas flights sa tuig 2021, misaka kini sa 128,618.
Miabot ug 190 porsento ang pagsaka niini.
Gawas sa mga pasahero, mi rehistro sab ang Mactan airport ug pagsaka sa air traffic ug cargo.
Gikan sa Enero hangtud sa Mayo ning tuiga, dunay 15, 828 ka mga flights sa local ug international destinations; 161 porsento kini nga pagsaka gikan sa 6,058 nga natala
Naka process sab ang Mactan airport ug mokabat 4.4 million ka kilo sa cargo ato sa unang lima ka buwan karong tuiga, sa samang higayong sa miaging tuig, dunay gamay nga pagsaka itandi sa 4.3 million cargoes nga na handle sa tuig 2021.
Sa ilang bahin, mipadayag sa ilang pagsalig ang Tourism stakeholders nga mamahimo silang maka recover sa tuig 2022, ning pagpasud na ug balik sa Pilipinas sa mga fully vaccinated nga mga foreign travellers sugod niadtong Pebrero.
l via Jhon Tadlip
Source: Mactan-Cebu International Airport Authority
Photo: Galagar M Prescila
