Wala nagdahom ang mga supporters ni Mandaue City Mayor Jonas Cortes nga masuspenso kini sulod sa usa ka tuig. Kagahapong adlawa gipagawas sa Ombudsman Visayas ang suspension order batok kang Mayor Cortes sa kalapasan sa Grave misconduct ug conduct of prejudicial to the best interest of the service.
Tungod kini sa pasangil nga adunay kurapsiyon sa pagtudlo sa bag-ong officer in charge sa City Social Welfare and Services (CSWS) nga si Camilo Basaca Jr.
Si City Administrator Atty. Jamaal James Calipayan nibutyag nga “In good faith ang pagtudlo ni mayor sa opisyal sa iyang pagtoo nga makatabang sa mga programa sa syudad ug kaayuhan sa mga konstituwente
Although gi-anticipate na ni niya, apan wa siya makatoo nga nahitabo gyud ni ba,” segon ni Atty. Calipayan. Dugang ni Atty. Calipayan nga mohimo ang ilang legal team sa tanang legal remedies aron malibkas o kaha kamenosan ang gitas-on sa maong suspension.
Si Cortes ikaduha na kining opisyal sa Sugbo nga gisuspenso diin dili palang dugay si Cebu City Mayor Michael Rama nga gipaubos usab og preventive suspension. (Renante Lada)
(Source: Mandaue City PIO)