Usa ka City Ordinance no. 1631, o ang Anti-Mendicancy Ordinance ang gipangusgan karon sa kagamhanan sa dakbayan sa Sugbo nga magsilot sa mga makit-an nga manghatag sa mga makalilimos sa pampublikong lugar sa siyudad sa Sugbo.
Matod ni Dr. Lucelle Mercado, chairman sa Cebu City Anti-Mendicancy Board (CCAMB), wala sila mag-ingon nga dili maayo ang motabang apan ilang giawhag ang katawhan nga buhaton nila kini sa sakto nga paagi.
“Karon, kinahanglan ta mo pahibawo kay…batasan na man gyud na sa mga Pilipino nga motabang, which is wala na giingong sayop. Ang simbahan nag-encourage nato nga kinahanglan motabang, pero mao na, ibutang nato sa sakto nga lugar,” sulti niya.
Atol sa press conference, gipahibawo sa CCAMB nga sugdan na niini ang ilang “Stop Mendicancy Campaign”, hain usa sa ilang buhaton mao ang pagpamutang og mga stickers sa pampublikong mga sakyanan.
Tumong niini nga maghatag og kaamgohan sa katawhan nga dili sayop ang mohatag apan buhaton kini sa saktong lugar.
Segon ni Raquel Arce, ang labaw sa Cebu City Transportation Office (CCTO) ug sakop sa CCAMB, imbis nga sa dalan, gidasig nila ang mga tawo nga nga mohatag sa saktong lugar. Â
“Dili gyud pwede sa kadalanan. Naa man tay mga simbahan, adto nila ang ilang pagpanghatag. Naa ta sa DSWS (Department of Social Welfare and Services) nato kung gusto sila kay ga-birthday sila. Dili kay mura sila og gasabod diha sa sidewalk, gasabod og packed meal. Dili na siya ang sakto nga pamaagi,” pulong niya. Â
“Naa tay mga agencies diin modawat sila ug adto sila didto manghatag. Naay list of recipient ang DSWS aron sila maoy mo-gather sa mga recipient unya ang inyo nalang nga kamo nga mga ingnon ta nagrasyahan maoy moadto ug mo-distribute sa inyohang ipanghatag. Dili gyud pwede sa kadalanan,” dugang niya.
Lakip sa mga pampublikong lugar nga gidili ang manghatag mao ang sa kadalanan, mga balay patigayon, ug sa mga edepisyo.
I via Renante Socia Lada