Gitataw ni Cebu City Mayor Raymond Alvin Garcia atol sa usa ka press conference sa niaging adlaw nga kinahanglang mokuha og permit ang mga manaygonay sa dakbayan sa Sugbo.
Gipasalig hinuon niya nga dali ug sayon ra ang paglukat sa maong permit, kansang nag-unang katuyoan mao aron nga nailhan kinsa ang nanaygon, alang sab sa luwas ug hapsay nga pagsaulog sa Pasko.
“Definitely, we will make it very easy and accessible for them. Istoryahon sa nako ang (Cebu City) Anti-Mendicancy Board og unsay pamaagi nato ana. If we can do it online, which is very easier for us to do, then we will see. I will also talk to the BPLO (Business Permit and Licensing Office) regarding this particular matter ug kani nga isyu,” pulong ni Mayor Garcia.
“Yes, yes (libre ra). Kung ato silang pabayron og P100 unya ang ihatag sa kadtong iyang gi-carole-lan P100, wala silay maginansya. Ang atoa lang is more of monitoring nga it will not be abused,” dugang niya. Â
Matod ni Mayor Garcia, klarohon gyud kung may permit ba o wala ang mga nanaygon. Â
“You will know this (nanaygon) is legitimate. These are organizations such as Lions Club, mga civic organizations. Naa man ganiy mga academe ani, mga students. So, mao nang we really have to make the distinction. And I think it’s very obvious what the distinction will be,” sulti sa mayor. Â
“Kay usually kaning mga mo-carol, usually they will inform us ahead of time, through a letter, or they will call. Pero kani atong mga mendicants, di man ni ingon ani,” dugang ni Mayor Garcia.
Ilawom sa Anti-Mendicancy Ordinance sa siyudad, gidili ang pagpanaygon ug pagpakilimos sa kadalanan, lakip na ang sa mga pampublikong mga sakyanan. Kana lang kung aduna kay permit.
I via Renante Socia Lada