Gisaulog sa Sangguniang Kabataan (SK) Federation sa Mandaue City ang International Youth Day atol sa pagbukas sa Linggo ng Kabataan kagahapon Agosto 24 sa Mandaue City Heritage Plaza.
Gipasiugda sa selebrasyon ang importante nga papel sa kabatan-onan sa paglambo sa komunidad. Gipahinumdoman usab ang mga batan-on nga adunay daghang oportunidad sa edukasyon, sports, pagpangulo ug pagpalambo sa ilang mga talento.
Gihatagan og gibug-aton ni Mayor Thadeo “Jonkie” Ouano ang importansya sa SK ug ang paghatag og dugang nga oportunidad sa mga kabatan-onan sa siyudad.
Atol sa kalihokan, nanumpa usab ang mga bag-ong presidente sa Pag-asa Youth Association of the Philippines (PYAP) sa matag barangay. Sila ang motabang sa paghimo og mga programa alang sa mga out-of-school youth sa Mandaue City.
Mitambong usab sa maong kalihokan si Vice Mayor Glenn Bercede, mga konsehal, mga opisyal sa SK Federation, Liga ng mga Barangay ug City Administrator Atty. Sally Malig-on Jr.
I via Renante Socia Lada