Usa ka 63-anyos nga lola ang nadakpan human nasakmitan og .45 caliber pistol ug unom ka bala atol sa pagpatuman sa search warrant sa Barangay Balungag, San Fernando, Cebu niadtong Agosto 23, 2026.
Giila sa kapulisan ang nadakpan nga si Anastacia Oacan Escultor, residente sa maong barangay. Sumala sa kapulisan, nakuha ang ilegal nga armas sa iyang hawak ang armas.
Girekober gikan kaniya ang usa ka .45 caliber pistol, usa ka magazine ug unom ka bala. Ang search warrant giisyu ni Judge Joy B. Redoble sa Regional Trial Court Branch 77 sa Carcar City.
Gidala ang suspek sa San Fernando Police Station alang sa dokumentasyon ug hustong proseso. Ang mga nakumpiskar nga armas ug bala ipasusi sa forensic unit, samtang tukmang kaso ang ipasaka batok kaniya.