Nanguna ang Bureau of Fire Protection o BFP Dipolog City, ubos sa pagpangulo ni FSINSP Aprilyn B. Barbaso, Acting City Fire Marshal, uban sa Philippine National Police o PNP, Commission on Elections o COMELEC, Department of Education o DepEd, ug Lokal nga Pangagamhanan sa inspeksyon sa mga eskwelahan sulod sa Dipolog City isip pagpangandam alang sa umaabot nga Barangay Elections 2026.
Gisusi sa mga ahensya ang mga eskwelahan nga mahimong gamiton isip voting centers aron masiguro ang ilang kaluwasan, kahandam, ug maayong kondisyon alang sa hapsay nga proseso sa halalan.
Pinaagi sa maong inspeksyon, gipalig-on ang koordinasyon sa BFP, PNP, COMELEC, DepEd, ug Lokal nga Pangagamhanan aron maandam ang mga voting centers ug mapanalipdan ang mga botante ug election personnel panahon sa halalan.
Gipasiugda sa maong panagtinabangay ang kahinungdanon sa bayanihan alang sa luwas ug hapsay nga Barangay Elections 2026.(JENIFFER JR. DELICA)
Source: BFP R9 Dipolog City Fire Station