Gidayeg sa mga information officers sa mga lungsod ug munisipyo sa Cebu ang Cebu Provincial Government tungod sa paghatag og training aron mas mapalambo ang ilang trabaho.
Niadtong Agosto 12 ug 13, gipahigayon sa Capitol ang “Communicate Cebu: Information Officers’ Congress” diin mitambong ang mga information officers gikan sa 40 ka LGUs.
Gipunting sa kongreso ang hustong paghatag og tukma, paspas ug sayon masabtan nga impormasyon sa publiko, ilabi na pinaagi sa social media ug digital platforms.
Gidayeg usab ni Fayette Riñen sa Philippine Information Agency-Central Visayas ang programa ug miingon nga importante ang mga information officers sa pagpaabot sa mga programa ug serbisyo sa gobyerno ngadto sa mga komunidad.
Lakip sa training ang crisis management, mobile journalism, videography, social media poster design, photojournalism ug visual storytelling. Naglaum ang mga information officers nga ipadayon pa sa Capitol ang maong mga training.
I via Renante Socia Lada