Gisaulog kagahapong adlawa, Decembre 3,2022 ang ika 121 nga Police Service Anniversary sa mga sakop sa Mandaue City Police Office.
Gitambungan kini nila ni Police Colonel Jeffrey Caballes ang City Director sa Mandaue City Police Office (MCPO), Mandaue City Mayor Jonas Cortes ug ubang mga Official sa kapulisan.
Nagpasalamat si Cortes sa serbisyo sa kapulisan sa MCPO labi na sa pagmintinar sa kahapsay og kalinaw sa Siyudad sa Mandaue.
Gidayig ang mga maayong binuhatan sa mga pulis sa MCPO sa Mayor ug giisip nga bayanihon ang ilang nga buhat.
Ang kapulisan sa MCPO kanunay andam pagtubag sa mga nagkadaiyang alarma ug krimin sa dakbayan ug mas gipadul-an sa kumunidad ang ilang serbisyo.
Gipalambo usab ang maayong relasyon tali sa katawhan ug kapulisan sa Mandaue City Police Office. (Renante Lada, photo courtesy of Mandaue City PIO)
