Wala magdahom ang magtiayon nga pangpusilon sila sa mismo nga igsuon, didto sa Barangay Cawayan, lungsod sa Dalaguete, Sugbo, pasado alas 3:30 sa hapon, Hulyo 5, 2024.
Ang biktima nga nakalas giila sa Dalaguete Police Station na mao si Dominador Tan, 59 anyos ang panuigon, samtang ang asawa nga talandugon ang kahimtang mao si Vilma Belciña Tan, 57 anyos ang pangidaron, residenti sila sa Sitio Botong, Barangay Coro, sa mao ra nga lungsod.
Naila usab ang suspetsado nga mao si Paulino Belciña, 6O anyos, kanhi scout ranger, igsuon sa asawa sa namatay ug kasamtangang bodyguard.
Sa imbestigasyon nga gihimo sa kapulisan nasayran nga ang mga biktima gikan sa Brgy. Hall aron pagpangayo og Barangay Protection Order kalabot sa pagpanghakot sa mga ginubang kahoy sa ilang ancestral house.
Apan sa pag uli na nila gipangpusil kini gamit ang wala matino nga armas de fuego na maoy hinungdan sa kamatayon sa bana didto sa tambalanan.
Sa pagkakaron padayon pa ang hot pursuit operation sa kapulisan aron pagsikop sa mamumuno ug pagsuta sa motibo sa maduguong krimin. (Renante Lada & Ting Joe Pepito)