Nagmando ang hepe sa Land Transportation Office (LTO) nga si Assistant Secretary Markus V. Lacanilao og usa ka dakong imbestigasyon batok sa mga alegasyon sa korapsyon sa LTO Region 7. Human kini sa kusog nga pamahayag ni Sec. Giovanni Lopez, sa Department of Transportation (DOTr), kabahin sa mga mitumaw nga balita.
Sumala kang Asec. Lacanilao, magpadala dayon og espesyal nga team gikan sa LTO Central Office aron susihon pag-ayo ang tanang reklamo. Matud pa niya, walay pasaylo ug walay tagoan sa maong imbestigasyon. Ilhon ug kasuhan ang bisan kinsa nga mapamatud-ang nalambigit sa ilegal nga binuhatan.
Apil sa susihon ang tanang transaksyon sa kwarta, proseso sa pagkuha og lisensya ug rehistro sa sakyanan, ingon man ang mga operasyon sa pagpatuman sa balaod sa LTO Region 7. Siguro sa LTO nga patas ug walay pili ang ilang pag-imbestigar.
Ang bisan kinsang opisyal o empleyado nga mapamatud-ang apil sa korapsyon mag-atubang ang kaso administratiba ug kriminal sumala sa balaod. Pagklaro sa LTO nga dili nila pasagdaan ang bisan unsang matang sa pangurakot sulod sa ahensya.
Gipasalig usab sa LTO sa publiko nga hugot nilang batukan ang korapsyon ug paningkamotan nga mabalik ang pagsalig sa katawhan sa ilang serbisyo.
Source: LTO
I via Renante Socia Lada
#rpndykccebu