Ang kapulisan sa dakbayan sa Talisay nagsubay sa love triangle nga maoy motibo sa pagpusil patay sa usa ka lalaki.
Ang krimin nahitabo pasado alas 2:00 kagahapon sa hapon, Decembre 15,2022, didto sa Campo 3, Barangay Jaclupan, Siyudad sa Talisay.
Giila ang biktima sa Talisay City Police Station nga mao si Oliver Sigue, 40 anyos ang panuigon, residenti rapud sa naasoy nga lugar.
Naila usab ang suspetsado nga mao si Aldrin Bonghanoy, 37 anyos ang panuigon, taga didto rapud sa maong dapit.
Sa gihimo nga imbestigasyon sa kapulisan sa dakbayan sa Talisay nasayran nga samtang ang biktima paingon sa Barangay aron pag atubang sa hearing.
Gipusil kini sa makadaghang higayon sa iyang kumpari nga maoy hinungdan sa iyang hinalaling kamatayon.
Segon ni Corporal Noel Timagos sa Talisay City Police Station nga ang suspetsado napriso gumikan sa kalambigitan sa ginadiling drugas.
Sa paggawas na niya iyang gidudahan si Sigue nga iyang kumpari nga adunay relasyon sa iyang asawa nga maoy hinungdan nga iyang gikutlo ang kinabuhi niini.
Hinuon human sa maong pagpamusil patay nasikop ra usab ang mamumuno sa kapulisan sa siyudad sa Talisay pinanguluhan sa ilang hepe nga mao si Police Lieutenant Colonel Randy Caballes. (Renante Lada, photo credits to the owner)