Nagpadayon karon ang gihimo nga imbestigasyon sa Mabolo Police Station may labot sa kamatayon sa usa ka lolo sulod sa usa ka inn didto sa Barangay Carreta, Siyudad sa Sugbo, kagahapon sa kadlawon, Hulyo 11, 2024.
Ang biktima nagpanuigon og 61 anyos, taga Barangay Paknaan, siyudad sa Mandaue
Sa gihimo nga imbestigasyon sa kapulisan nasayran nga ang biktima ni check-in sa maong motel pasado alas 9:00 sa gabii ug ni extend pa kini og dugang laing oras apan sa pagsusi na sa tagdumala sa maong motel serado kini.
Gisulayan nila pag abli ang maong kwarto gamit ang ilang duplicate na yawi og didto na nila nadiskubri-an nga wala na kini kinabuhi.
Sa pagkakaron gisubay pa sa maong inn ang mga CCTV footage sa maong lugar aron pag ila sa gikauban niini nga babaye para makatabng sa ilang imbestigasyon kung unsay gikamatayan sa biktima. (Renante Lada & Ting Joe Pepito)