Usa ka insidente sa pagpakamatay ang nahitabo sa Brgy. Umapad, Mandaue City, niadtong buntag sa Hulyo 27, 2025, alas 7:26, diin usa ka lalaki ang milayat gikan sa Ikaduhang Tulay, base sa report nga nadawat sa kapulisan gikan sa CTOC Mandaue City.
Ang mga sakop sa buhatan dali nga mitunga sa lugar ug pag-abot nila, ang biktima ginatabangan na sa medical team sa Brgy. Opao nga gipangulohan ni Melchor Lumapas. Human niini, gidala dayon ang biktima sa Mandaue District Hospital aron matambalan.
Apan, giideklarar kini nga dead on arrival sa doktor nga mitan-aw kaniya. Ang biktima nailhan nga si Jury Amaro Luage, 65 anyos, minyo, ug nagpuyo sa Purok Lemonsito, Brgy. Umapad, Mandaue City.
Sumala sa anak sa biktima nga si Jury Luage Jr., dugay na kunong nag-antos og depresyon ang iyang amahan tungod sa sakit nga gidala niini.
Sa imbestigasyon sa kapulisan, walay nakitang timailhan sa foul play o krimen sa maong panghitabo.
I via Renante Socia Lada