Arestado ang usa ka 63 anyos nga lalaking senyor human masakmitan ug kapin ₱1-MILYON nga balor sa gitoohang shabu sa gihimong joint buy bust operation sa City Drug Enforcement ug Intelligence Unit gipanguluhan ni PLT CHRISTOPHER IRWIN SANCHEZ JR pasado ala 1 sa sayong kabuntagon niadtong Setyembre 29, 2024 didto sa Brgy. Quiot ning syudad sa sugbo.
Nakuha gikan sa suspek ang buy-bust money ug nagkadaiyang pakete sa gitoohang shabu nga mukabat sa 160 gramos ang timbang. Kasamtangan nga gipailalom ubos sa kustodiya sa Cebu City Police Office ang senyor citizen nga suspetsado ug nag-atubang sa kasong pagpamaligya ug paghupot ug illegal nga droga ubos sa violation sa Secs. 5 ug 11 Art. 2 of R.A. 9165 o Comprehensive Dangerous Drugs Act of 2002. (Renante Lada and Ting Joe Pepito)
(Source: CCPO)