Patay ang usa ka street dweller nga giila sa pangalan nga Dave Maglasang, hingkod ang panuigon, residente sa Pilit, Cabancalan, Mandaue City, human malambigit sa usa ka insidente sa pagpangulata (mauling) nga nahitabo sa A. del Rosario St., Barangay Guizo, Mandaue City, alas 11:30 sa gabii niadtong Agosto 9, 2025.
Ang mga personahe sa Police Station 1 sa Mandaue City Police Office (MCPO) misikop sa suspetsado nga si Jhon Rey Lopez, lalaki, single, ug walay permanenteng adres. Ang krimen nasaksihan ni Joseph Condador Encontro, residente sa maong dapit.
Base sa imbestigasyon, nakit-an nga wala nay kinabuhi ang biktima nga nahapak sa kilid sa kalsada. Giases sa mga personahe sa CDRRMO ang biktima ug napamatud-an nga wala na kini’y vital sign. Nakita ang samad ug grabeng kadaot sa tuo nga bahin sa iyang ulo nga maoy hinungdan sa iyang hinalaling kamatayon.
Sa pagkakaron, anaa na sa kustodiya sa kapulisan ang suspetsado samtang nagpadayon ang imbestigasyon sa kaso.
Source: MCPO
I via Renante Socia Lada
#rpndykccebu