Sa usa ka makasubo nga panghitabo, naundang sa trahedya ang kasadya sa pagsaulog sa adlawa sa kapuyo ni John Carlo Apundar, 28 anyos, truck driver nga taga Barangay Paknaan, Mandaue City. Ang biktima nakit-an nga patay sa kadagatan sa Barangay Jubay, Liloan buntag sa Lunes, Agosto 11, human kini mawala samtang naligo sa dagat.
Domingo sa hapon, Agosto 10, naligo si Apundar uban sa duha ka higala sa usa ka beach resort sa Sitio Landing, Barangay Catarman. Sumala sa kapuyo nga si Donavel Coyoca, nilangoy si Apundar palayo ug nilapas sa boya sa resort, diin nadala kini sa kusog nga sug. Nangayo pa og tabang sa iyang mga kauban apan wala na kini maluwas tungod sa kalalom ug kusog sa balod.
Human sa pagkawala sa biktima, gipahigayon dayon ang search and rescue operation sa Philippine Coast Guard, MDRRMO Liloan, ug Bantay Dagat, apan wala kini mapalgan hangtod gabii.
Kagahapon s buntag, napalgan ang lawas nga naglutaw-lutaw sa dagat ug dayon kini gihaw-as sa mga awtoridad. Ang biktima mibiya ug duha ka anak nga magpabilin nga magdumala sa kasakit sa pagkawala sa ilang amahan.
I via Renante Socia Lada