Malampuson nga nahuman ang prestihiyosong Ironman 70.3 Lapu-Lapu nga nilangkuban sa mga labing maayong endurance athletes gikan sa lain-laing nasud, nga walay natalang dako nga insidente. Nagpasabot kini sa hapsay nga pagplano ug hugot nga pagpahigayon sa seguridad sa Police Regional Office 7 (PRO7).
Gipahigayon ang kalihokan gikan Agosto 7 hangtod 10, 2025 sa The Mactan Newtown sa Lapu-Lapu City, diin kapin 1,500 ka lokal ug langyaw nga atleta gikan sa 41 ka nasud ang miapil uban ang ilang mga pamilya. Sa main race day niadtong Agosto 10, daghang pulis ang gitagana ug gipundok sa mga Task Group sa Lapu-Lapu City, Cebu Province, Cebu City, ug Mandaue City aron masiguro ang seguridad, trapiko, ug paspas nga pagresponde sa emerhensya.
Nakig-alayon usab ang PRO7 sa ubang yunit sa PNP ug lokal nga panggamhanan aron maghatag ug dugang nga pwersa sa mga kritikal nga lugar ug rota sa karera. Gigamit nila ang Major Event Security Framework aron malikayan ang bisan unsang hulga ug mapabiling luwas ang tanang partisipante ug manan-aw.
“Pinasasalamatan ko ang dedikasyon ng ating mga pulis at ang suporta ng ating mga katuwang mula sa iba’t ibang ahensya at komunidad. Ipinakita natin na ang Central Visayas ay hindi lamang destinasyon ng world-class sports events, kundi isa ring ligtas at mapayapang lugar, ” pamahayag ni PBGen Redrico A Maranan, Regional Director, PRO7.
Source: PRO7-PIO
I via Renante Socia Lada