Gipasaligan ni Cebu Governor Pamela Baricuatro nga palig-onon pa ang partnership sa provincial government ug mga pribadong ospital aron mas mapaayo pa ang serbisyonh panglawas para sa mga Cebuano.
Gipadayag kini sa gobernador atol sa pagsugod sa Medical Ancillary Services Week sa Chong Hua Hospital sa Mandaue City kagahapon Agosto 10. Giila niya ang dakong papel sa mga medical support personnel sa diagnosis, pagtambal ug pag-atiman sa mga pasyente.
Kabahin sa prayoridad ni Baricuatro ang pag-upgrade sa mga kagamitan ug pagpaayo sa serbisyo sa 16 ka ospital nga gidumala sa Cebu Provincial Government.
Gipasiugda usab niya ang kooperasyon sa Chong Hua Hospital alang sa healthcare training, continuing education ug pagpalambo sa kahibalo ug kapasidad sa mga healthcare workers.
I via Renante Socia Lada