Gikulbaan ang daghang residente sa Mandaue City kagabii, Agosto 15, 2025, human mobaha ang dagkong parte sa siyudad tungod sa pag-awas sa Butuanon River. Ang kusog nga ulan nga nagsugod sa hapon hangtod gabii maoy hinungdan sa paspas nga pagsaka sa tubig nga milapas sa kasagaran nga lebel.
Sumala sa report liboan ka indibidwal gikan sa nagkalain-laing barangay ang naapektuhan, uban napugos nga mibiya sa ilang mga panimalay ug nangita og mas luwas nga dapit. Ang uban kanila gi-evacuate sa mga temporary shelters, barangay gym ug eskwelahan.
Gipangayo na sa lokal nga pangagamhanan ang tabang sa mga ahensya sa gobyerno ug mga volunteer groups aron mahatag ang nga pagkaon, tubig, ug uban pang relief goods sa mga biktima sa baha. Padayon usab ang pagbantay sa kahimtang sa suba tungod sa hulga sa sunod nga pag-uwan.
Ang Butuanon River nailhan nga usa sa mga suba sa Mandaue nga dali mubaha ilabina kung mag-uban ang kusog nga ulan ug taas nga tubig sa dagat. Ang mga otoridad nagpasidaan sa katawhan nga magmatngon ug mag-andam sa posible nga sunod nga pagbaha.
I via Renante Socia Lada