Misidlak ang dagat sa Mactan ug Mandaue dihang gipahigayon ang fluvial procession alang sa Nuestra Señora Virgen de Regla, usa sa labing gipaabot nga kalihokan sa pista sa siyudad.
Sakay sa M/V Maica 7 sa Jomalia Shipping Corporation, ang balaang imahe sa Birhen sa Regla milawig ubos sa Marcelo Fernan Bridge ug Mactan-Mandaue Bridge, diin gibanabanang liboan ka mga deboto ang nagtigom aron maghalad og bulak ug mag-ampo.
Nangulo sa maong pista sila Mayor Cindi King-Chan ug Congressman Junard “Ahong” Chan, uban sa mga konsehal sa siyudad, isip simbolo sa panaghiusa ug pagtuo sa mga Oponganon.
Sa pagsugod sa novena mass, Archbishop Emeritus Jose Palma mipahinumdom sa katawhan sa kabuotan ug pag-ampo sa Birhen, ingon nga timaan sa pagpasalamat ug paglaom taliwala sa mga pagsulay.
Ang fluvial procession nagpamatuod sa mapinadayunong debosyon ug kultura sa Sugbo, diin matag tuig ang pista sa Birhen sa Regla naghiusa sa mga tawo gikan sa lain-laing parte sa probinsya aron ipadayag ang ilang gugma ug pagtuo sa mahal nga patron sa Lapu-Lapu City.
I via Renante Socia Lada