Sulod lang sa usa ka oras, nadeliver dayon sa bag-ong Sea Ambulance sa Cebu Provincial Government ang mga tambal ug relief goods ngadto sa mga residente sa isla sa Camotes nga naapektuhan sa kalamidad.
Ang operasyon gipangulohan ni Governor Pamela S. Baricuatro uban sa uban pang opisyal sa Kapitolyo aron masiguro nga walay maulahi sa pagdawat og ayuda ug medikal nga tabang.
Sumala sa Kapitolyo, ang Sea Ambulance usa ka bag-ong inisyatiba nga gilangkuban sa modernong kagamitan ug trained personnel aron makahatod dayon og serbisyo medikal bisan pa sa kalayo sa mainland.
Kini nga proyekto nagpakita sa tinguha sa probinsyal nga gobyerno nga mapalapdan ang access sa health services ug mapaspasan ang disaster response sa mga isla sa Sugbo.
Gilauman nga ang bag-ong sea ambulance system magpadayon sa pagserbisyo sa ubang isla sa probinsya aron makab-ot ang tinuod nga serbisyo.
I via Renante Socia Lada