Cebu: Lapu-Lapu bukas nga i ban ang pagkaon ug burereng human sa kamatayon sa 56 anyos nga taga Isla ug pagka hospital sa mga sakop sa pamilya

0
0

Cebu City – Usa ka 56 anyos nga inahan ang namatay ug laing pito ka mga sakop sa pamilya ang nadala sa tambalanan sa Santa Rosa human giingong nikaon ug isda nga burereng sa islet sa Caubian, sakop sa Isla sa Olango, Dakbayan sa Lapu-Lapu, Miyerkules, Agosto 3, 2022.

Visit RPN DYKC Cebu

Gikonpirma ni Lapu-Lapu City Mayor  “Ahong” Chan sa DYKC Karambola Bisaya ang insidente nga naglakip sa kamatayon sa taga isla ug ang pagkaon ug burereng.

Ang inahan nga namatay giila sa kapulisan sa Isla sa Olango nga usa ka Romana Abas Evardo, 56 anyos.

Matod ni Chan nga daghan man gyud ang isda sa isla  ug pahimangno niini nga likayan na lang ang pagkaon sa burereng, ug gipasabot niya nga anang bahina malikayan ang hitabo.

“Bisan kon kahibaw moluto naa gyuy nahitabo nga nalanag,” matod ni Chan.

Nagtoo ang mayor nga wala matarong ug preparar o pagluto ang maong klase si isda nga maoy gisud-an.

Subay niini, giplanuhan sa Lapu-Lapu City Government nga i ban ang pagkaon sa “exotic food” nga “burereng” dili lang

sa Isla sa Olango, kundi lakip na sa Mainland.

“That’s a god move nga atong i ban ang pagkaon ug burereng, not only in Olango but the entire Lapu-Lapu,” mensahi ni Chan.

Si Chan kinsa miangkon nga dili mokaon ug burereng, unang miawhag nga dili lang mokaon ug burereng kay matod pa niini nga naa may ubang isda sa dagat..

Sa imbestigasyon sa kapulisan, nasayran nga ang bana nga si Reynaldo, 57 anyos,nagdala ug burereng nga isud-an sa ilang pamahaw.

Matod pa nga pipila ka oras ang milabay nakasinate ang pamilya ug panakit sa tiyan hinungdan nga gidala kini sa tambalanan.

Si Romana wala na gyud mataban sa Doktor hinungdan nga namatay kini.

Conscious hinoon ang ubang mga sakop sa pamilya nga anaa sa tambalanan.

Gipasalig sa mayor nga motabang ang LGU sa gastohan sa tambalanan ug ang lungon sa namatay. (Jhon Tadlip | Renante Lada)

(Source: Interview with Mayor Junard Chan over DYKC Karambola Bisaya | Olango Police Station)

LEAVE A REPLY

Please enter your comment!
Please enter your name here