Ang malinawon nga pagbisita sa inila nga Kawasan Falls niadtong Oktubre 29, 2025, mitumaw ang trahedya dihang kalit nga nakasinati og kalipong ang usa ka 55-anyos nga Pakistani nga turista, samtang naglingaw-lingaw sa maong lugar.
Sa maong higayon, ang mga personahe sa Tourist Police Unit (TPU) nga naka-assign sa Kawasan Falls Tourist Assistance Desk nagpatrolya ug nagbantay sa palibot, dihang ilang nakita ang langyaw nga turista nga naglisod og barog.
Dali nga mitabang ang mga pulis, naghatag og first aid ug gitabangan ang biktima nga makalingkawas sa lugar hangtod nga luwas na siya. Human sa pipila ka minutos nga pagpahuway, giingon sa turista nga miayo na ang iyang gibati ug nakalakaw na kini pag-usa, ug wala na manginahanglan og dugang medikal nga tabang.
Ang paspas ug epektibong aksyon sa mga Tourist Police nagpakita sa ilang ka-andam ug kahanas sa pag-atubang sa emerhensiya, ug nagpalig-on sa dungog sa Sugbo isip usa ka luwas ug tourist-friendly nga destinasyon.
Source: CPPO
I via Renante Socia Lada