Nakasinati og pagdahili sa yuta didto sa Sitio Kasipitan, Barangag Valencia, Lungsod sa Alegria, Probinsya sa Sugbo, Oktobre 29,2022, pasado alas 8:00 kagabii.
Segon sa Alegria Municpal Disaster Risk Reduction Management Office (MDRRMO) nga gumikan sa bagyong Paeng nga nagdala og grabing pag uwan maoy hinungdan sa landslide sa maong lugar.
Sayo nilang gi sugdan ang clearing operation karong adlawa aron mahawanan ang mga yuta ug bato nga niali sa agianan.
Gihuwat pa usab ang ilang abiso kung kanus-a ni paagian sa mga sakyanan.
Ikaduha kining landslide nga nasita na Sugbo diin ang unang pagdahili sa yuta didto sa Barangay Busay Siyudad sa Sugbo nga ni guba sa dul-an pulo ka mga pinuy-an.
Ang PAGASA kanunay nagpahindom sa mga residenti nga dili mo kumpyansa kay posibling aduna pay mga lugar nga mag landslide gumikan kini sa pipila ka adlaw nga pag uwan nga dala ni bagyong Paeng.
Padayon usab gipang monitor sa mga Disaster Team sa nagkadaiyang lugar ang mga danger zone areas aron walay ma disgrasya sa pagdahili sa yuta ug pagbaha. (Renante Lada photo courtesy of Alegria PIO)