Usa ka 50-anyos nga lalaking nagmotor namatay human maligsan sa duha ka truck pasado alas-4 sa hapon, Agosto 8, 2025, sa National Highway, Barangay Calajo-an, Minglanilla.
Ang biktima giila nga si Rowel Gimang Elguera, residente sa Barangay Poblacion, Barili, Cebu. Base sa imbestigasyon sa Minglanilla Police Station, si Elguera nagbiyahe tali sa duha ka truck nga nagpadulong sa habagatang bahin sa lalawigan. Nasangit ang iyang motorsiklo sa kilid sa truck nga gi-maneho ni Joel Pabra Lawas, 49, taga San Fernando, hinungdan nga natumba kini ug nalatayan sa laing truck nga gi-maneho ni Orlando Verar Rian Jr., 48, taga Dumaguete City.
Miresponde ang Medical Team sa Minglanilla ug MITCOM, apan gideklarar nga patay ang biktima diha-diha tungod sa grabe nga kadaot sa iyang lawas.
Kasamtangan nga gikustodiya sa Minglanilla Police Station ang duha ka driver samtang nagpaabot sa desisyon sa pamilya sa biktima kabahin sa kaso nga ipasaka.
📸 MITCOM
I via Renante Socia Lada