Dili na sa Valentine’s date, kundi sa presinto nadiretso si alias “Nardo,” usa ka 35-anyos nga technician nga taga Balamban, human masikop sa F. Cabahug Street, Brgy. Kasambagan, Cebu City.
Nasangit si Nardo sa “citizen’s arrest” alas 6:20 sa buntag, Pebrero 14, 2025, human mitug-an ang biktima nga kalit siyang gihikapan sa pribadong parte samtang nagkuha sa iyang cellphone.
Ang maong technician, nga kasagaran nagkuri kuri sa mga guba nga gadgets, karon mag-atubang na og kaso nga Acts of Lasciviousness in relation to RA 7610. Hinuon, sa police station na lang siya nag-“celebrate” sa Valentine’s. (Renante Socia Lada)