Usa ka lalaki nga giila lamang sa alyas “Jan-jan,” 24 anyos, single, ug residente sa Barangay Tabok, dakbayan sa Mandaue, ang nasikop tungod sa reklamo sa usa ka babaye nga giila isip alyas “In-in,” 22 anyos, single, residente usab sa maong barangay.
Sumala sa imbestigasyon, nahitabo ang insidente alas-5:00 sa hapon sa Pebrero 13, 2025, samtang naglakaw pauli ang biktima.
Nasuta nga nagpaabot ang suspetsado sa gawas sa usa ka apartment, ug sa pag-abot sa biktima, gikuptan kini sa wala nga bukton ug miingon nga “Gwapa kaayo ka ma’am, lami kay ka, nya dako pa jud ug t*t*y.”
Tungod niini, ang biktima nidanggop sa kapulisan ug misumbong, hinungdan nga daling girespondihan sa mga otoridad nga gipangulohan ni Pat. Alabado, ug dali ra usab nga nadakpan ang suspek.
Disidido ang dalaga nga mopasaka ug kaso batok sa suspek nga karon ana na sa kustodiya sa kapulisan, ug mag atubang sa kasong unjust vexation batok sa suspetsado. (Renante Socia Lada)