Wala ka abot nga buhi sa ilang balay ang usa ka lalaki nga gikan sa trabaho human nadasmag sa naka parking nga dump truck.
Didto kini nahitabo sa Barangay Vito, Lungsod sa Balamban, Probinsya sa Sugbo, sa nakalabay na alas 9:00 sa gabii, Mayo 3, 2023.
Ang biktima giila sa kapulisan sa Balamban Police Station nga mao si Rodrigo Soyco Navaja, 42 anyos ang panuigon, residenti rapud sa maong lugar.
Sa imbestigasyon, nasayran nga kusog nagpadagan ang biktima sa gimaniho na motorsiklo nga wala ka bantay sa nagparking nga dump truck sa maong lugar.
Nalagpot ang biktima nga maoy hinungdan sa grabing pagka angol ug nabugtu-an gyud kini sa iyang kinabuhi didto sa tambalanan.
Padayon karon ang imbestigasyon kung aduna bay tulubagon ang nagmaniho sa maong dump truck.
(Renante Lada, photo courtesy of Balamban Police Station)