Kapin sa P6 Milyones ka pesos nga balor sa mga smuggled nga sigarilyo ang nakumpiska sa gipahigayon nga joint seaborne operation sa mga personahe sa Sibuco MPS uban sa ZNPIU ZNPPO, S2 Maneuver Company Marine Battalion Landing Team 6, 26 Maneuver Company Marine Battalion Landing Team 6 (MBLT), 2nd ZNPFC, ug 905th MC RMFB9 mga ala 1:00 ang takna sa hapon Enero 28,2025, didto sa Sitio Bato Gadiong, Barangay Kamarangan, Sibuco, Zamboanga del Norte.
Ang maong operasyon miresulta sa pagkasakmit sa mga dili dokumentado nga mga smuggled nga sigarilyo ug pagka sikop sa 8 ka indibidwal pulos hingkod nga mga lalaki ug residente sa nagkadaiyang dapit sa Sulu, nga nalambigit sa pagpalusot sa maong mga kontrabando ug malampusong pag intercept sa usa ka blue nga pump boat nga lokal nga nailhan nga “Jungkung” nga adunay doble nga Mitsubishi 3D16 nga makina ug usa ka Witchay Marine.
Ang nakumpiskang nga mga kontrabando miabot 120 ka mga master cases sa United Menthol cigarettes, nga gibanabana nga mobalor og P6,876,000.00, base sa standard price sa Bureau of Customs (BOC) ug nasakmit ang pump boat nga gigamit sa pagdala sa mga smuggled nga mga butang nga anaa karon sa opisyal sa barangay atol sa operasyon aron masiguro ang transparency.
Ang mga dinakpan nga suspek, uban sa mga nakumpiska nga butang, anaa na sa kustodiya sa Sibuco MPS alang sa tukmang dokumentasyon ug disposisyon.(Medalyn U. Borja)
Source: ZNPPO