Nagtingkagol na karon sa prisuhan ang usa ka lalaki nga gituhuang manglugos og mga bata gamit ang iyang dala nga armas de fuego.
Ang pagkasikop nahitabo didto sa Purok Tambis, Sitio Togonon, Siyudad sa Danao, kagahapon sa hapon, pasado 1:20 , Mayo 3,2023.
Ang suspetsado giila nga si Thomas Lawas Hermosilla, 39 anyos ang panuigon, habal-habal driver, menyo, residenti rapud sa maong lugar.
Sa imbestigasyon nasayran nga namatikdan sa mga residenti nga adunay usa ka lalaki nga armado sa naasoy nga lugar.
Dali kining gi respondihan sa SWAT og ilang nasikop ang suspetsado nga napakyas sa pagpakita sa mga dokyumento sa iyang armas.
Gituhuan usab nga manglugos kini og mga bata sa bukirang Barangay gamit ang armas niini nga usa ka 38 revolver.
Sa pagkakaron giandam na ang tukmang kaso batok sa suspetsado nga nagkupot og illegal nga armas de fuego.
Danao City PS
via Renante Lada