Usa ka dakong kadaugan alang sa Sugbo ug Pilipinas ang pagkadaug sa Mactan-Cebu International Airport (MCIA) isip “Best Airport (5-15 Million Passengers Per Annum)” sa Asia-Pacific region atol sa 2024 Airport Service Quality (ASQ) Awards.
Gihatag kini nga dungog sa Airports Council International (ACI), nga nag ila sa MCIA tungod sa talagsaong serbisyo ug kahingpitan sa kasinatian sa mga pasahero. Kini nga pasidungog nagpamatuod sa ilang pagkamakanunayon sa paghatag og world-class nga serbisyo sa mga biyahero.
Ang maong kadaugan resulta sa paningkamot sa tibuok MCIA team ug sa suporta sa ilang mga pasahero. Tungod niini, napamatud-an nga ang MCIA usa sa mga nag-una nga tugpahanan sa tibuok kalibutan, nagbutang og bag-ong sumbanan sa kalidad sa serbisyo sa mga tugpahanan sa rehiyon.
Source: Cebu Provincial Capitol, PIO
I via Renante Socia Lada