Nahimong maduguon ang pag serve sa warrant of arrest sa usa ka lalaking nga adunay kasong pagpanulis human kini matod pa misukol sa kapulisan.
Nahitabo kini pasado alas 4:0O kaganihang kadlawon, Hunyo 20, 2024, didto sa Barangay Cantolaruy, lungsod sa Sibonga, Sugbo.
Ang suspetsado nga napatay sa engkwentro naila nga mao si Rebot Antiga Solis, 39 anyos ang panuigon, mag- uuma, nagpuyo rapud sa maong lugar.
Ang mga sakop sa 703rd Maneuver Company, sa Regional Mobile Force Battalion, maoy ni serve sa warrant of arrest sa maong lugar.
Wala sila nagdahom nga nisukol si Solis pinaagi sa pagpamusil kanila gamit ang 45 nga armas de fuego, sa sinukli-ay sa bala naigo ang suspetsado na maoy hinungdan sa kamatayon niini.
Sa nasayran nga ang suspetsado nga nisukol patay aduna kini kasong robbery na buot untang dakpon sa kapulisan apan ni resulta sa kamatayon human matod pa nakigpinusilay sa kapulisan. (Renante Lada | Ting Joe Pepito)