Wala nay kinabuhi nga nakit-ang ang usa ka lalaki didto sa Sitio Ipil-Ipil, Barangay Capitol Site, Siyudad sa Sugbo, pasado alas 5:00 sa buntag, Nobiyembre 24, 2024. Sa pasiunang imbestigasyon sa kapulisan giila ang biktima na mao si Woody Soringa, 50-anyos, residenti rapud sa maong lugar.
Ang mga residenti sa maong lugar nagtoo nga nahulog kini sa maong sapa na maoy hinungdan sa iyang kamatayon.
Sa pagkakaron ang Scene of the Crime Operatives (SOCO) padayon pa nga nagsusi kung unsay gikamatyan ni Soringa, ila usab sutaon kung wala ba kini foul play. (Renante Socia Lada)