Kagahapong adlawa Nobiyembre 23, 2024 dul-an 10,000 ka punoan sa bakhaw ang gitanom atol sa usa ka mangrove planting activity nga gipanguluhan sa Cebu City Disaster Risk Reduction Management Office (CCDRMO), Cebu City Environment and Natural Resources Office (CCENRO), ug mga sakop sa Barangay Fire Brigade.
Didto kini duol sa regional office sa DPWH 7 sa South Road Properties (SRP), gitambungan sa mga opisyales sama nila Cebu City Mayor Raymond Garcia, City Councilor Joel Garganera, ug Disaster Risk Reduction and Management head Anderson Comar.
Gibana-bana nga 300 ka indibidwal, lakip ang Barangay Fire Brigade president nga si Capitol Site Barangay Captain Kelly Quijada, ang nanambong sa maong kalihukan nga kabahin sa ika-6 nga anibersaryo sa Barangay Fire Brigade.
Ang pagtanom og mga bakhaw makatabang sa pagpanalipod sa natural nga mga embankments, pagpausbaw sa aquatic biodiversity, ug pagpaayo sa ecological environment. (Renante Socia Lada)
(Source: CCDRMO/Cebu City PIO)