General Santos City – Si Gensan City Mayor Lorelie Geronimo Pacquiao mitambong sa pagbukas sa 22nd City Wide Musabaqah Ammah nga gipahigayon karong Sabado, Nobyembre 23, 2024, sa Acharon Sports Complex.
Kini nga kalihokan nagtumong sa pagpalig-on sa Muslim nga komunidad pinaagi sa sports, academics, ug uban pang mga kalihokan sa kalingawan.
Sa iyang pakigpulong, gipasiugda ni Mayor Pacquiao ang kamahinungdanon sa maong mga inisyatiba sa pagbaton og mas hayag ug progresibong kaugmaon sa dakbayan.
Ang League of Barangay Presidents ug City Councilor Bobby Pacquiao miduyog usab sa kalihukan isip timaan sa pagsuporta sa katuyoan sa programa.
Ang Musabaqah Ammah usa sa mga tinuig nga aktibidad nga nagpasiugda sa panaghiusa ug paghulma sa talento sa nagkalain-laing natad, diin ang lokal nga kagamhanan padayon nga gipasiugda isip kabahin sa ilang adbokasiya alang sa komunidad. (Rem Agdon)
(Source: LGU-Gensan)