Nakabsan sa iyang kinabuhi ang usa ka lalaki human gitabangan og kulata sa sulod sa diskuhan.
Ang biktima nga si Teodoro Santito, 23 anyos ang panuigon, nakabsan sa iyang kinabuhi sa tambalanan niadtong niaging adlaw.
Mahinumduman nga adunay nahitabong kagubot sulod sa diskuhan didto sa Sitio Tunga, Barangay Cantuod, Lungsod sa Balamban, Probinsya sa Sugbo, niadtong Abril 21, 2023.
Ang suspetsado nga unang nangulata mao si Percival Espera Macapaz, 22 anyos ang pangidaron, residenti sa Sitio Tunga, sa susamang Barangay ug Lungsod.
Sa imbestigasyon sa kapulisan sa Lungsod sa Balamban nga kalit kining gipa reglahan sa way igong hinungdan nga ni resulta sa grabing bun-og og pagka kumatos.
Sa pagkakaron padayon pa ang imbestigasyon aron pagsuta sa motibo sa maong krimin ug si kinsa pa ang mga kaubanan niini. (Renante Lada, photo courtesy of Balamban Police Station)
