Dead on the spot ang usa ka lalaki human naligsan sa usa ka Boom Truck.
Ang aksidenti nahitabo pasado alas 5:00 kagahapon sa hapon, Hunyo 24, 2023, didto sa N.Bacalso Ave. ug Toledo-Manipis Road, Tabunok, dakbayan sa Talisay.
Ang biktima giila sa Talisay City Police Station nga mao si Meleton Dumaran, 66 anyos ang panuigon, basurero, mangkoy, residenti sa Mananga 1, Brgy. Tabunok, siyudad sa Talisay.
Naila usab ang driver sa truck nga mao si Rommel Piala Guarin, 40 anyos ang pangidaron, nagpuyo sa Brgy.Sagay, siyudad sa Toledo.
Sa inbestigasyon sa kapulisan sa dakbayan sa Talisay, nasayran nga ang Boom Truck nagbiyahi paingon sa South area ug sa pag abot na sa naasoy nga lugar samtang muliko na unta kini iyang naligsan ang biktima.
Nalatayan og nakabsan gyud sa kinabuhi si Dumaran nga wala na nadala sa tambalanan.
Sa pagkakaron padayong gitanggong ang driver samtang gihuwat ang panagsabot-sabot sa duha ka habig. (Renante Lada, photo credits to the owner)