Nakabsan sa kinabuhi ang usa ka lalaki human nahulog sa bus nga iyang gisakyan, didto kini nahitabo sa Brgy. Pugalo sa Lungsod sa Alcoy, Sugbo, pasado alas 4:00 kagahapon sa hapon Hulyo 31, 2024.
Ang biktima giila sa Alcoy Police Station na mao si Roberto Legarte Vallaso, 36 anyos menyo, residenti sa Barangay El Pardo, lungsod sa Boljoon, Sugbo.
Sa imbestigasyon sa Alcoy Police Station, nasayran nga ang bus nagbiyahi sa naasoy nga lugar sa dihang nigukod og nikapyot ang biktima nga wala niya damha nga mahulog kini og mamatay.
Dali kining gidala sa tambalanan apan nabugtuan kini sa iyang kinabuhi tungod sa grabing nahiagom nga kadaot sa lawas.
Sa pagakakaron ang suspetsado nga driver nga mao si Midel Vequizo gitanggong pa sa naasoy nga Police Station samtang gihuwat ang habig sa biktima kung mupasaka ba kini og kaso o pabayaran lang.
I via Renante Lada and Ting Joe Pepito