Patay diha-diha dayon ang usa ka lalaki nga gipusil sa silingan kay wala nibayad sa utang.
Ang krimin nahitabo pasado alas 11:30 kagabii, Nobiyembre 17, 2024, didto sa Sitio Paradise 2, Barangay Kinasang-an, Pardo, Dakbayan sa Sugbo.
Ang Biktima giila sa Cebu City Police Office, Station 7, na mao si Reynante Alforque , 45- anyos, naila usab ang suspetsado na mao si Klint Michael Estrada, 18-anyos, pulos sila residenti sa maong lugar.
Sa imbestigasyon sa kapulisan nasayrsn nga nasuko ang suspetsado kay ang biktima wala nibayad sa utang niini nga P400 bisan paman nakadaog kini sa sugal.
Sa kalagot sa suspetsado iya kining gisulong ug gipusil sa ulo ug nawong na maoy hinungdan sa kanatayon ni Alforque.
Daling nisibat si Estrada apan nasikop kini sa kapulisan sa gipahigayon nga hot pursuit operation, sa pagkakaron giandam na ang kasong murder batok sa mamumono. (Renante Socia Lada)