Patay diha-diha ang usa ka 37-anyos nga lalaki nga si Jobelle Monares Rojas, residente sa Purok Mangga, Brgy. Poblacion, Liloan, human kini pusila sa wala mailhing suspetsado.
Nahitabo kini Disyembre 1, 2024, mga alas 10:50 sa gabii, sa Purok San Miguel, Sitio Bajac, sa maong barangay.
Sumala sa imbestigasyon sa Liloan Police Station, ang biktima nagluto sa sulod sa iyang tindahan sa dihang kalit nga niabot ang suspetsado nga nagsakay og motorsiklo.
Ang suspek, nga wala mailhi, mipusil kang Rojas kaduha, nga naigo sa iyang boko-boko ug nakaresulta sa iyang kamatayon.
Sa pagkakaron ang kapulisan padayon sa makuti nga imbestigasyon aron pagsuta sa kung unsay motibo sa maong krimin ug kinsa ang nihimo niini. (Renante Socia Lada)