Ang Sugbo School Feeding Program, Season 2, usa ka programa nga gipasiugdahan sa Cebu Provincial Government aron paghatag og libre nga pagkaon sa mga estudyante sa mga pampublikong eskwelahan sa lalawigan.
Ang programa naghatag og libre nga lugaw o rice porridge, nga gisagulan og mga gulay, karne, ug uban pang sagol nga puno sa sustansya nga gikan sa mga proyekto sama sa Sugbusog.
Nasayran nga ang mga Parents-Teachers Association (PTA) sa mga eskwelahan ang nagluto ug nag-apod-apod sa pagkaon sa mga estudyante.
Ang programa naglakip sa mga eskwelahan sa tibuok Cebu, ug ang mga estudyante gikan sa Kindergarten hangtod Senior High School ang makadawat og pagkaon. Ang mga materyales alang sa pagluto, sama sa kaldereta ug mga utensils, gihatag usab sa lalawigan. Ang programa nagtabang sa mga pamilya sa pagpalig-on sa nutrisyon sa mga estudyante, aron mapalambo ang ilang performance sa klase.
Ang Sugbo School Feeding Program nagtabang sa libuan ka mga tinun-an. (Renante Socia Lada)
(Source: Cebu Provincial Capitol PIO)